1 Nik, Jaunaren ikasle zahar honek, Jaunak aukeraturiko eliz elkarte horri eta eliztar guztioi* 1 Jaunaren ikasle zahar: H.h., zahar; agintea eta duintasuna adierazten dituen titulua da, eta elkarte-buruei ematen zaie. Asiako elizetan bereziki, apostolu-tradizioaren lehen lekukoei ematen zitzaien izen hori: Jaunaren ikasle izandakoei edota horiek ezagutu zituztenei. // Jaunak aukeraturiko… guztioi: H.h., andere hautatuari eta beronen seme-alabei; eliz elkarte jakin bati eta bertako kideei zuzentzeko era poetikoa. Ez dakigu zein den eliz elkarte hori.idazten dizuet. Egiaz maite zaituztet nik, eta nik ez ezik, baita egia ezagutzen duten guztiek ere,2 guregan irauten duen eta betiko gurekin izango den egiarengatik.3 Grazia, errukia eta bakea zuekin, Jainko Aitaren eta beronen Seme Jesu Kristoren partetik, egiaz eta maitasunez.
Elkar maitatu
4 Biziki poztu naiz jakitean zuen artean badirela egiaren arabera bizi direnak, Aitarengandik hartu dugun aginduari jarraituz* 4 aginduari jarraituz: Aitaren aginduak bi betebehar daramatza berekin: Jesusengan sinetsi eta elkar maitatu, hark agindu bezala (ik. 1 J 3,23)..5 Eta orain, eliz elkarte agurgarri horri, arren eskatzen dizut elkar maita dezagula. Ez dizut agindu berri bat idazten, hasieratik duguna bera baizik.6 Eta maitasuna Jainkoaren aginduen arabera bizitzea da. Eta hasieratik entzun duzuen bezala, agindu hau da zuen jokabidea arautu behar duena.
Kontuz antikristoekin
7 Engainatzaile asko sortu da munduan, Jesu Kristo egiazko gizon egin dela aitortzen ez duen asko. Hauek dira engainatzailea eta antikristoa.8 Ibil zaitezte kontuz, gure lanaren fruitua* 8 gure lanaren fruitua: Zenbait eskuizkribuk zeuen lanaren fruitua dio.gal ez dezazuen, sari oparoa jaso dezazuen baizik.9 Kristoren irakatsietan iraun gabe, aurrerago joan nahi duenak ez du Jainkoa berekin. Irakatsietan dirauenak, berriz, berekin ditu Aita eta Semea.10 Norbait zuengana joan eta irakatsi hau ez badarama, ez onartu etxean, ezta agurtu ere* 10 ez onartu etxean, ezta agurtu ere: Kristau-jokaeraren kontrako dirudien jarrera hau ulertzeko, zera hartu behar da kontuan: kristauak Jesusen egiatik okertu nahi zituzten heretikoekin harremanetan aritzeak zekarren arriskua. Hemen debekatzen dena honelakoekin elkartasunean sartzea da, ez noski gizabidezko agurra egitea.;11 halakoa agurtzen duena haren egintza gaiztoen partaide egiten da.
Azken agurra
12 Zuei zer esanik asko dudan arren, ez dut paperez eta tintaz egin nahi. Zuengana joatea espero dut eta aurrez aurre hitz egitea; horrela poz bete-betea izango dugu elkarrekin.13 Jainkoak aukeratu duen eta zure ahizpa den eliz elkarte honetako* 13 eliz elkarte hau: Ikasle zaharra bizi zenekoa, alegia; tradizio on batek dioenez, Efeson bizi zen Joan apostolua.kideek agurtzen zaituzte.