1 Haiengandik aldendurik, ontzia hartu eta Koseraino joan ginen* 21,1 Kos: Asia Txikiko itsasbazter aurrean zegoen uhartetxoa; gainerako tokien berri jakiteko, ik. Pauloren Ibilaldien Mapa. // joan ginen: Hemen hasten da hirugarren gu-zatia; ik. 16,10 oh.zuzenean; biharamunean, berriz, Rodasera, eta handik Patarara.2 Hemen Feniziara zihoan ontzi bat aurkitu genuelarik, bertara igo eta abiatu egin ginen.3 Zipre begiztatu eta ezkerretara utzirik, Siriarantz jarraitu genuen eta Tirora iritsi, han hustu behar baitzuen ontziak bere karga.4 Hango ikasleen bila joan ginen eta astebetez beraiekin gelditu; Jerusalemera ez igotzeko esan zioten haiek Paulori Espirituaren eraginez.5 Baina, astea igaro ondoren, geure bidaiari jarraitu genion. Hiritik kanporaino lagundu ziguten haiek denek, beren emazte eta haurrekin. Hondartzan otoitz egin genuen belauniko;6 gero, elkarri agur egin ondoren, ontzira igo ginen, eta haiek etxera itzuli.7 Gu Tirotik Ptolemaidara* 21,7 Ptolemaida: Galileako Mediterraneo itsasbazterrean Tiro eta Zesarearen artean.joan ginen, hala geure itsasbidea bukatuz. Han senideak agurtu genituen eta egun osoa eman genuen beraiekin.8 Biharamunean atera eta Zesareara heldu ginen. Han, apostoluen zazpi laguntzaileetako bat* 21,8 Zesarea: Ik. 8,40 oh. // zazpi laguntzaileetako bat: Ik. 6,1-6 eta 6,5 oh. Felipe Zesarean utzia zuen idazleak, 8,40 tx.ean.zen Felipe misiolariaren etxera joan ginen, eta bertan gelditu.9 Hark profezi dohaina zuten lau alaba ezkongabe zituen.10 Han zenbait egun generamala, Agabo izeneko profeta bat iritsi zen Judeatik.11 Gu ikustera etorri zen eta, Pauloren gerrikoa harturik, harekin bere esku-oinak lotu* 21,11 esku-oinak lotu: Profezia irudizko egintza batez laguntzen da, antzinako profetek egin ohi zuten bezala (ik. Jr 18,1-12; 19; 24; 27–28).eta esan zuen: «Hona zer dioen Espiritu Santuak: Honelaxe lotuko dute juduek Jerusalemen gerriko honen jabea, eta jentilen eskuetara emango dute».12 Hori entzutean, Jerusalemera ez igotzeko erregutzen genion Paulori, bai guk eta bai bertakoek.13 Baina Paulok erantzun zigun: «Zer dela-eta ari zarete negarrez? Bihozgabetu egin nahi al nauzue? Prest nago, lotua izateko ez ezik, Jerusalemen hiltzeko ere, Jesus Jaunarengatik».14 Ezin baikenion hura burutik kendu, bere hartan utzi genuen, esanez: «Egin bedi Jaunaren nahia».15 Handik egun batzuetara, biderakoak prestatu eta Jerusalemerako bidean gora ekin genion.16 Zesareako ikasle batzuk ere etorri ziren gurekin eta lehen garaietako ikaslea zen Nason Zipretarraren etxera lagundu ziguten, hark eman behar baitzigun ostatu.
JERUSALEMDIK ERROMARA (21,17–28,31)
Paulo Jerusalemen atxilotua eta auzitara eramana (21,17–23,35)
Paulok eta Santiagok elkarrekin topo
17 Jerusalemera iritsi ginenean, senideek oso harrera ona egin ziguten.18 Biharamunean, Santiagoren* 21,18 Santiago: Ik. 12,17 oh.etxera joan ginen Paulo eta gainerakook; han zeuden bilduak arduradun guztiak ere.19 Paulok, haiei agurra egin ondoren, Jainkoak beraren bitartez jentilen artean egindako guztia xeheki kontatu zien.20 Haiek, entzutean, Jainkoa goretsi zuten; gero, Paulori esan zioten: «Anaia, ikusten duzu zenbat milaka judu egin diren fededun, baina denak legezale sutsuak dira.21 Eta zera jakin dute zutaz: jentilen artean bizi diren juduei Moisesengandik aldentzeko irakasten diezula, semerik ez erdaintzeko eta usadiorik ez gordetzeko esanez.22 Zer egin, bada? Nolanahi ere, jakingo dute hemen zarela.23 Horregatik, egizu gure esana: baditugu hemen boto* 21,23 boto: Ik. 18,18 oh. Nazireu-botoa betetzeko azkenean eskaini behar izaten ziren opariak (ik. Zen 6,14-15) oso garestiak ziren.bat bete behar duten lau gizon.24 Har itzazu zeurekin, egin garbikuntza beraiekin batera eta ordaindu zeuk haiek botoa betetzeko behar dutena; horrela, ilea moztu ahal izango dute, eta jende guztiak ikusiko du ez dela egia zutaz esan zitzaiena, baizik eta zintzoki betetzen duzula legea zuk ere.25 Fededun egin diren jentilei dagokienez, berriz, geure erabakiak* 21,25 erabakiak: Ik. 15,20 oh.idatziz eman genizkien: ez dezatela jan sasijainkoei eskainitako haragirik, ezta odolik nahiz odolustu gabeko abererik ere, eta utz ditzatela legearen kontrako sexu-harremanak».26 Hartu zituen, bada, Paulok gizon haiek berekin, eta hurrengo egunean, beraiekin batera garbikuntza eginik, tenplura joan zen, garbikuntza-egunak noiz bukatzen ziren eta haietako bakoitzarengatik opariak noiz eskainiko ziren jakinaraztera.
Paulo tenpluan atxilotu
27 Zazpi egunak betetzeko zeudela, Asia probintziako juduek, Paulo tenpluan ikusirik, jende guztia asaldatu zuten eta Paulori eskua erantsi,28 oihuka esanez: «Lagundu, israeldarrok! Hauxe da bazter guztietan gure herriaren, legearen eta tenplu honen kontra denei irakasten ari zaien gizona. Horrez gainera, greziar batzuk sartu ditu tenpluan* 21,28 sartu ditu tenpluan: Jentilak tenpluaren kanpoaldeko atarira, jentilen atarira, bakarrik sar zitezkeen., toki santu hau kutsatuz».29 Izan ere, Efesoko Trofimo* 21,29 Trofimo 20,4 oh.Paulorekin ikusia zuten aurretik hirian eta Paulok tenpluan sartu zuela uste zuten.30 Hiri osoa asaldatu zen, eta jendea pilaka bildu. Paulori heldurik, tenplutik arrastaka atera zuten, eta berehala ateak itxi zituzten.31 Haiek Paulo hil beharrean zerabilten bitartean, Jerusalem osoa nahaspilatua zegoela salatu zioten gudalburuari.32 Hau, berehala soldadu eta ehuntariak bildurik, lasterka joan zen; gudalburua eta soldaduak ikustean, juduek utzi egin zioten Paulo jotzeari.33 Gudalburuak, hurbildurik, preso hartu zuen Paulo eta bi katez lotzeko agindu* 21,33 lotzeko agindu: Hemendik aurrera, liburuaren azkena arte, Paulo kartzelan eta auzipean agertuko zaigu: Jerusalemen lehendabizi (21,33–23,30), Zesarean gero (23,31–26,32), eta Erroman azkenik (28,17-30), ibilaldi luze baten ondoren (27,1–28,16).. Gero, ea nor zen eta zer egin zuen galdetu zuen;34 baina jendeak nork berea zioen oihuka. Eta iskanbila hartan ezin baitzuen gudalburuak ezer garbirik atera, kuartelera* 21,34 kuartelera: Antonia zeritzan jauregira, alegia; Herodes Handiak eraikia zen tenpluaren hegi batean, eta erromatar gudarosteentzat kuartel-ordezkoak egiten zituen. Handik tenplualde guztia agerian gelditzen zen.eramateko agindu zuen.35 Harmailetara iritsi zirenean, soldaduek airean eraman behar izan zuten Paulo jendearen erasoagatik,36 herri guztia baitzetorren atzetik, «Hil hori!» oihuka.
Paulo bere buruaren alde
37 Kuartelera sartzera zihoazela, Paulok esan zion gudalburuari: –Mesedez, bi hitz esan nahi nizkizuke. Gudalburuak erantzun zion: –Grekoz ere ba al dakizu?38 Beraz, ez zara zu oraindik orain matxinatu eta lau mila gerrillarirekin basamortura jo zuen egiptoarra.39 Paulok erantzun zuen: –Ni? Ni judua naiz, Ziliziako Tarsokoa, nahiko entzuna den hiri batekoa. Uztazu, otoi, herriari hitz egiten.40 Baimena eman zion, eta Paulok, harmailetan zutik, herriari isiltzeko keinu egin zion eskuaz. Denak isil-isilik gelditu ziren, eta Paulo honela mintzatu zitzaien hebreeraz* 21,40 hebreeraz: Arameeraz segur aski, hizkuntza hori hitz egiten baitzen Palestinan garai hartan.: