1 Hona hemen Davidi Hebronen jaio zitzaizkion semeak: lehena Amnon, Izreelgo Ahinoamen semea; bigarrena Daniel, Karmelgo Abigailen semea;2 hirugarrena Absalom, Gexurko errege Talmairen alaba Maakaren semea; laugarrena Adonias, Hagiten semea;3 bosgarrena Xefatias, Abitalen semea; seigarrena Jitream, Daviden emazteetako bat zen Eglaren semea.4 Sei hauek Hebronen jaio zitzaizkion. David zazpi urte eta sei hilabetez izan zen han errege. Hurrengo hogeita hamahiru urteetan Jerusalemen izango zen errege.5 Hona hemen Jerusalemen jaio zitzaizkion semeak: Ximea, Xobab, Natan eta Salomon, laurak Amielen alaba Betsaberen semeak* 3,5 Betsabe: Hebreeraz Bat-Xua, Eliam-en alaba dela dio 2 Sm 11,3 tx.ak. Bestalde, laugarrenaren, Salomonen, ama baizik ez zen Betsabe..6 Gero beste hauek izan zituen: Ibhar, Elixama* 3,6 Elixama: 14,5 eta 2 Sm 5,15 tx.etan Elixua deritza., Elifelet,7 Nogah, Nefeg, Jafias,8 Elixama, Eliada eta Elifelet. Guztira, bederatzi.9 Hauek izan ziren Daviden seme guztiak eta, gainera, ohaideengandik izan zituenak. Tamar izan zen haren alaba.
Salomon erregearen ondorengoak
10 Salomonen ondorengoak* 3,10 Salomonen ondorengoak: Judako erregeen zerrenda da hau, 1 Erg 12 eta 2 Erg 25 kap.etako testuen arabera. Abias 1 Erg 14,31 eta 15,1.8 tx.etan Abiam deitzen da. Jekonias (3,16) 2 Erg 24,6.8-17 atalean Joiakin deitzen da.honako hauek izan ziren: Roboam, honen seme Abias, honen seme Asa, honen seme Josafat,11 honen seme Joram, honen seme Akazias, honen seme Joax,12 honen seme Amatzias, honen seme Azarias, honen seme Jotam,13 honen seme Akaz, honen seme Ezekias, honen seme Manases,14 honen seme Amon eta honen seme Josias.15 Josiasen semeak: lehena Johanan, bigarrena Joiakim, hirugarrena Sedekias, laugarrena Xalum.16 Joiakimen semea Jekonias, eta honena Sedekias.
Jekonias erregearen ondorengoak
17 Hona hemen, Babiloniara gatibu eraman zuten Jekoniasen semeak: Xealtiel,18 Malkiram, Pedaias, Xenatzar, Jekamias, Hoxama eta Nebadias.19 Pedaiasen semeak: Zorobabel eta Ximei. Zorobabelen semeak: Mexulam eta Hananias eta alaba Xelomit;20 baita beste bost hauek ere* 3,20 baita beste bost hauek ere: Hebreerazko testua iluna da. Bost hauek Zorobabelen semeak izan zitezkeen; zenbaitek uste du 19. tx.eko Mexulamen semeak zirela, honen anaia Hananiasen ondorengoak aipatzen baitira 21. tx.ean.: Haxuba, Ohel, Berekias, Hasadias, Juxab-Hesed.21 Hananiasen ondorengoak: Pelatias eta Jexaias; baita Refaiasen semeak, Arnanen semeak, Obadiasen semeak eta Xekaniasen semeak ere.22 Xekaniasen semea: Xemaias. Xemaiasen semeak: Hatux, Igal, Bariah, Nearias eta Xafat, sei guztira* 3,22 sei zirela dioen arren, bost izen besterik ez dira agertzen; baliteke izenen bat testutik eroria, galdua, izatea..23 Neariasen semeak: Elioenai, Hizkias eta Azrikam, hiru guztira.24 Elioenairen semeak: Hodabias, Eliaxib, Pelaias, Akub, Johanan, Delaias eta Anani, zazpi guztira.