1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
Otoitza Israelen askapen eta berriztapenaren alde
1 Erruki gutaz, Jauna, mundu osoaren Jainkoa,2 zabaldu nazio guztietara zeureganako beldurra.
3 Altxatu zeure eskua atzerriko nazioen aurka,
ikus dezatela zure ahalmena.
4 Gu zigortuz zeure santutasuna agertu diezun bezala,
ager iezaguzu zeure handitasuna haiek zigortuz.
5 Aitor dezatela, guk aitortu dugun bezala,
ez dagoela, Jauna, zu beste jainkorik.
6 Berriztatu mirariak, errepikatu egintza harrigarriak,
7 erakutsi zeure indarra eta esku ahaltsua,
8 suspertu eta isuri zeure haserre-sumina,
9 deuseztatu kontrakoa eta suntsitu etsaia;
10 laburtu ezarritako epea, ekarri gogora hitzemana,
eta horrela aldarrikatuko ditugu zure egintza handiak* 36,10 Hebreerazkoak dio: lasterrarazi amaiera, egin kasu epeari, zeren nork esango dizu: «Zer ari zara egiten?».
11 Suntsi ditzala zure mendekuaren suak bizirik geratutakoak,
gal daitezela zure herria gaizki darabiltenak.
12 Hautsi burua etsaien buruzagiei,
«Gu bezalakorik ez!» dioten horiei.
13 Bildu Jakoben leinu guztiak* 36,13 leinu guztiak: Hemen amaitzen da grekozko eskuizkribuetan jatorrizkoari buruz egiten den zati-alderanzketa (ik. 30,24 oh.). 14. eta 15. tx.en falta, zenbaketan dagoen koherentzi ezaren ondorio da; ez du esan nahi testuaren jarraipenean hutsunerik dagoenik..
16 Egin itzazu berriro lurraldearen jabe,
hasieran bezala.
17 Erruki, Jauna, zure izena daraman Israel herriaz,
zeure lehen-semetzat hartu duzunaz.
18 Izan gupida Jerusalem zeure hiri santuaz,
zeure atseden-leku egin duzunaz.
19 Bete Sion zeure gorespenaz,
eta tenplua* 36,19 tenplua: Hebreerazkoaren arabera zuzendua; grekozkoak herria dakar.zeure ospeaz.
20 Ager zaitez hasieratik aukeratutako herriaren alde,
bete zeure izenean egindako profeziak.
21 Eman saria zuregan itxaron dutenei
eta gerta bitez sinesgarri zure profetak.
22 Entzun, Jauna, zeure zerbitzarion eskaria,
zeure herriarekiko duzun onginahiaren* 36,22 onginahiaren: Eskuizkribu gehienek bedeinkazioaren diote, askok Aaronen bedeinkazioaren zehazten dutelarik.arabera;
munduan dauden guztiek aitor dezatela
zu zarela Jauna, betiko Jainkoa.
Ongi aukeratu emaztea
23 Mota guztietako elikagaiak hartzen ditu sabelak,baina batzuk besteak baino hobeak dira.
24 Ahosabaiak ehizakiaren gustua bereizten du;
era berean buruargiak hitz gezurtiak.
25 Bihotz-maltzurrak nahigabea sortzen du,
baina eskarmentua duenak merezitakoa ematen hari.
26 Emakumeak ez du senarra aukeratzerik* 36,26 Emakumeak ez du senarra aukeratzerik: H.h., Edozein senar onartzen du emazteak.,
baina gizonarentzat hobeak dira
neska batzuk besteak baino.
27 Emazte ederrak senarraren aurpegia alaitzen du
eta ez dago gizonarentzat ezer desiragarriagorik.
28 Gainera, hizkera maitagarri eta gozokoa bada,
senarra munduko gizaseme zoriontsuena da.
29 Emaztea duenak ondasunik baliotsuena du,
dagokion laguntza eta euskarri segurua.
30 Hesirik gabe, lapurren esku gelditzen da alorra;
emazterik gabe, noraezean deitoreka gizona.
31 Nor fidatuko da hiriz hiri dabilen lapur maltzurraz?
Gauza bera habiarik ez duen gizonaz,
gauak non harrapatu, han gelditzen denaz.