1 Israeli buruzko Jaunaren mezua. Jaunak zabaldu du zerua, berak oinarritu lurra, berak eman dio gizakiari bizi-arnasa.2 Honela dio Jaunak: «Inguruko herri guztiak mozkortuko dituen ardo-kopa bihurtuko dut Jerusalem, eta gauza bera egingo dut Juda osoarekin ere, Jerusalem setiatuko dutenean* 12,2 ardo-kopa: Jaunaren zigorra adierazten du sarritan (ik. Is 51,22-23; Jr 25,15; Ez 23,32-34). // eta gauza… dutenean: Hebreerazko testua ulergaitza da..3 Egun hartan, hala ere, harri astun bihurtuko dut Jerusalem herri guztientzat: jasotzen ahalegintzen dena, zauritu egingo da. Lurreko herri guztiak bilduko dira Jerusalemen aurka.4 Hala diot nik, Jaun honek: Zaldiak izuz eta zaldizkoak beldur-ikaraz joko ditut; atzerritarren zaldiak itsutu egingo ditut; neure begiak, ordea, zabal-zabalik izango ditut Judako herriarentzat.5 Orduan, Judako buruzagiek esango dute beren baitan: “Beren Jainko Jaun ahalguztidunari esker, indar berriak hartu dituzte Jerusalemgo bizilagunek”.6 Egun hartan, nire eraginez, Judako buruzagiek aldameneko herri guztiak irentsiko dituzte, ezker-eskuin, suteak sasia bezala, zuziak lasto-balak bezala; Jerusalemgo bizilagunek, ordea, beren hirian jarraituko dute bizitzen.7 «Baina nik, Jaunak, Judako herrialdeak salbatuko ditut lehenengo, Daviden ondorengoak eta Jerusalemgo bizilagunak Judako beste herrialdeen kaltetan harro ez daitezen.8 Egun hartan, neuk, Jaunak, zainduko ditut Jerusalemgo bizilagunak: makalena Daviden pareko izango da; Daviden ondorengoak izango dira gidari, Jainkoa bera bezala, Jaunaren aingerua bezala.9 «Egun hartan, Jerusalemi erasoka etor dakizkion guztiak hondatuko ditut.10 Daviden etxe gainera eta Jerusalemgo bizilagunen gainera bihotz-damua eta otoitz-espiritua isuriko ditut. Ni zulatua ikustean* 12,10 Ni zulatua ikustean: H.h., Niri begiratuko didate, zulatu nauten honi: Jaunak bat egiten du hil duten bere mandatariarekin. Agian, honela ere itzul daiteke: Niri begiratuko didate; zulatu zutenarengatik (hiletak joko…). Antzinako itzulpen batek zulatu zutenari begiratuko diote esaten du: hauxe da Joanen ebanjelioak jaso duen bertsioa (ik. 19,37)., hiletak joko dituzte seme bakarrarengatik bezala, negar samina egingo dute lehen-semeagatik egin ohi den bezala.11 Egun hartan, handia izango da Jerusalemen hileta-negarra, Megidoko lautadetan Hadad-Rimon* 12,11 Hadad-Rimon: Landaretzaren feniziar jainkoa; uztak bildu ondoren hil egiten zela uste zuten eta udaberriko euriekin berpiztu; haren kultua Megidon, Izreel lautadan, Karmel mendiaren hego-ekialdean, zegoen zabaldua, dirudienez.jainkoari egiten zaiona bezalakoa.12 Lurralde osoak egingo du hileta-negarra, senitarteek senitarteka, gizonezkoek batetik eta emakumeek bestetik: Daviden senitarteak eta Natanenak* 12,12 Natan: Daviden semeetariko bat (ik. 2 Sm 5,14).,13 Lebiren senitarteak eta Ximeirenak* 12,13 Ximei: Lebiren seme Gerxonen ondorengoa (ik. Zen 3,21).;14 bizirik gelditutako senitarte guztiek, gizonezkoek batetik eta emakumezkoek bestetik.