1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
Ez elkartu aberatsarekin
1 Bikea ukitzen duena zikindu egiten da,harroarekin elkartzen dena haren antzeko bihurtzen.
2 Ez hasi zama astunegia eraman nahian,
ezta elkartu ere zeu baino indartsuago eta aberatsagoarekin.
Buztinezko eta brontzezko ontziak elkartzea bezala litzateke:
elkar jotzen badute, apurtu egiten da lehena.
3 Aberatsak bidegabeki jokatu eta, halere, bera harro* 13,3 bera harro: Hebreerazkoaren arabera; grekozkoak dio: bera haserre.;
behartsuak bidegabekeria jasan
eta, gainera, barkamena eskatu behar.
4 Probetxugarri bazara, zutaz baliatuko da;
beharrean baldin bazaude, bertan behera utziko.
5 Ondasunik baldin baduzu, lagun izango duzu;
baina dena kenduko dizu barne-kezkarik gabe.
6 Zure beharra baldin badu, engainatu egingo zaitu,
irribarre egin eta itxaropena emango,
hitz politak esan eta galdetuko dizu:
«Zer egin dezaket zure alde?»
7 Hondatu egingo zaitu bere jaiekin* 13,7 Hondatu egingo zaitu bere jaiekin: Alegia, haren jaien ordezkoa ematera beharturik aurkituko baitzara.
dena kentzea lortu arte, eta azkenean iseka egingo;
gero, ikusita ere, ez dizu jaramonik egingo
eta buruari eragingo dio mespretxuz.
8 Kontuz ibili engaina ez zaitzaten,
zeure zorakeriagatik apaldua ez izateko* 13,8 Hebreerazkoak dio: Kontuz ibili lotsagabeegia ez izateko, ezta zentzugabeen antzeko ere..
Mesfidatu handikiez
9 Ahaltsuren batek dei egindakoan, ez joan arinegi,are gehiago dei egingo dizu eta.
10 Ez joan arrapaladan, bazter ez zaitzan;
ezta geratu ere urrutiegi, ahaztu ez zaitzan.
11 Ez hitz egin nahi izan berarekin parez pare,
ez fidatu haren berbaldi luzeez,
bere hitz-jarioaz proban jarriko baitzaitu
eta irribarrez ere aztertu egingo.
12 Errukigabea da, ez ditu zure hitzak isilean gordeko,
ez dizkizu saihestuko tratu txar eta kateak* 13,12 Tx. honen esanahia ez dago argi, ez grekozko testuan, ez hebreerazkoan..
13 Gorde zeure burua eta ibili kontu handiz,
zeure hondamendiaren ertz-ertzetik baitzabiltza* 13,13 Eskuizkribu batzuek eransten dute: 14 Lo zaudela gauza hauek entzuten badituzu, esna zaitez; maita ezazu Jauna bizitza osoan eta dei egiozu salba zaitzan..
Aberatsa eta behartsua
15 Bizidun orok maite du bere antzekoaeta edozein gizakik bere lagun hurkoa.
16 Bizidun oro bere ezpalekoekin batzen da
eta gizakia bere antzekoekin.
17 Zer dute elkarrekin otsoak eta arkumeak?
Zer bekatariak eta zintzoak?
18 Nola bizi elkarrekin hiena eta zakurra, aberatsa eta behartsua?
19 Lehoien harrapakin dira basastoak basamortuan:
berdin behartsuak aberatsen bazka.
20 Harroari nardagarri zaio apaltasuna:
berdin aberatsari behartsua.
21 Koloka dabilen aberatsari lagunek eusten diote;
erortzen den apala, lagunek ere baztertu.
22 Aberatsak huts egiten badu, askok babesten dute;
inozokeriak esan arren, arrazoi ematen.
Behartsuak huts egiten badu, agiraka egiten zaio;
zentzuzko gauzak esan arren, jaramonik egiten ez.
23 Aberatsak hitz egiten badu, denak isildu
eta hodeietaraino goratzen haren hitzak.
Behartsuak hitz egin eta «Nor da hori?» galdetzen dute;
eta, estropezu egiten badu, bultza egiten diote eror dadin.
24 Aberastasuna ona da bidegabea ez bada,
pobrezia txarra fedegabe direnentzako.
Kontzientzia
25 Gizakiaren bihotzak aurpegia moldeatzen du:onean nahiz txarrean aldatzen.
26 Aurpegi alaia bihotz onaren adierazgarri;
gizaki kopetilunak gogoeta tristeak islatzen* 13,26 gizaki… islatzen: Hebreerazkoaren ildotik itzulia; grekozkoak dio: eta esaerak asmatzeak gogoeta neketsua eskatzen du..