1 Jaunak esan zidan: «Ea, maita ezazu berriz ere emaztea, maitalea duen eta adulterio egin duen arren. Halaxe maite baititu Jaunak israeldarrak, hauek beste jainkoengana jotzen duten arren, jainko horiei eskainitako mahats-opilen* 3,1 mahats-opil: Emankortasunaren kultu paganoetan erabili ohi zituzten (ik. Is 16,7; Jr 7,18; 44,19).zale».2 Hala, hamabost zilarrezko txanpon eta anega eta erdi garagarren truke neureganatu nuen berriro emaztea.3 Eta zera esan nion: «Nirekin egongo zara luzaro, prostituzioan ibili gabe eta zeure burua inongo gizoni eman gabe. Nik ere ez dizut neure burua emango».4 Hala egon beharko dute israeldarrek luzaro, ez errege eta ez buruzagi, ez sakrifizio eta ez zutarri sakratu, eta ez Jainkoari kontsulta egiteko tresna* 3,4 Jainkoari kontsulta egiteko tresna: Jainkoari bere borondateaz galdegiteko, haren nahia jakiteko, erabili ohi ziren tresnak, nahiko ezezagunak. Hebreeraz efod eta terafim deritze, eta biak batera ageri dira beste zenbaitetan ere (Ep 17,5; 18,14.17, etab.)..5 Gero, israeldarrak beren Jainko Jaunarengana eta beren errege Daviden ondorengoagana* 3,5 Daviden ondorengoagana: Ez dira jadanik bi erresuma izango (ik. 1,1 oh.), bat baizik (ik. 2,2), Daviden ondorengo batek gobernatua (ik. 2 Sm 7,4-16).itzuliko dira. Begirunez joko dute Jaunarengana eta haren ondasunetara azken egunetan.